Liverpool vs Real Madrid Tips - Reds inaasahang magwagi

Tinalo ng Liverpool ang Villarreal (5-2 aggregate) sa semi-finals habang pinataob ng Real Madrid ang Manchester City (6-5 aggregate).

Tatangkain ng Liverpool na makuha ang kanilang unang kampeonato sa kompetisyong ito mula noong 2019 kung saan tinalo nila ang Tottenham sa final.

Nakabalik naman ang Real Madrid sa Champions League final sa unang pagkakataon mula noong 2018 kung saan nakuha nila ang kanilang ikatlong sunod na kampeonato matapos nilang talunin ang Liverpool 3-1 sa final na ginanap sa Kiev. Dalawang beses naka-goal si Gareth Bale para sa Los Blancos habang nagdagdag ng isa pang goal si Karim Benzema. Tanging si Sadio Mane ang naka-goal para sa Reds.

Huling nagkita ang Liverpool at Real Madrid sa quarter-finals noong nakaraang season at nagresulta ang kanilang huling laro sa isang 0-0 draw.

Bago ang larong iyon ay tinalo ng Real Madrid ang Liverpool sa kanilang huling apat na laban. 

Muling pangungunahan ni Benzema ang Real Madrid sa kanilang hangad na makakuha ng isa na namang kampeonato matapos nilang magtagumpay sa La Liga ngayong season. Ang French superstar ang nangungunang scorer ng kompetisyong ito na may 15 goals. Aasahan din ni Real Madrid boss Carlo Ancelotti sina Vinicius Júnior at Rodrygo sa labang ito. 

Tinapos ng Real Madrid ang kanilang kampanya sa La Liga sa mga draw kontra Cadiz (1-1) at Real Betis (0-0). 

Bukod kina Mane, Diogo Jota at Roberto Firmino, ay aasahan ni Liverpool boss Jürgen Klopp si Mohamed Salah na pangunahan ang kanilang opensa. May walong goal ang Egyptian superstar sa Champions League ngayong season at siya ang nangungunang scorer ng koponan sa English Premier League.

Nanalo ang Liverpool sa kanilang huling apat na laro sa lahat ng mga kompetisyon. Tinalo nila ang Aston Villa (2-1), Southampton (2-1) at Wolverhampton (3-1) sa Premier League at nagwagi kontra Chelsea sa penalties sa FA Cup final. Hindi natalo ang Reds sa kanilang huling 18 laro sa lahat ng mga kompetisyon.