AC Milan vs Fiorentina Tips - Rossoneri inaasahan muling magwagi

May 74 puntos ang Rossoneri mula sa 34 laro at dalawang puntos lang ang lamang nila sa Inter Milan apat na laro na lamang ang natitira sa kompetisyon. 

Hindi natalo ang AC Milan sa kanilang huling 12 laro sa Serie A. Tinalo nila ang Genoa (2-0) at Lazio (2-1) sa kanilang huling dalawang laro.

Sina Olivier Giroud at Sandro Tonali ang mga nagbida kontra Lazio. Kinansela ni Giroud ang maagang goal ni Ciro Immobile habang si Tonali ang nagbigay ng importanteng panalo para sa panig ni Stefano Pioli sa injury time.

Si Giroud ang nangungunang scorer ng koponan sa Serie A na may siyam na goal. Sila nina Rafael Leao at Zlatan Ibrahimovic ang mangunguna sa pag-atake ng Milan.

Hindi naman maglalaro sina Alessandro Florenzi at Simon Kjaer para sa AC Milan dahil sa injury.

Determinado namang makabawi ang Fiorentina matapos nilang matalo sa kanilang huling tatlong laro sa lahat ng mga kompetisyon. 

Nakalasap ang Viola ng 2-0 na pagkatalo sa Juventus sa pangalawang leg ng Coppa Italia semi-finals bago sila natalo kontra Salernitana (2-1) at Udinese (4-0) sa Serie A. 

Pangungunahan nina Nicolas Gonzalez, Lucas Torreira at Arthur Cabra ang panig ni Vincenzo Italiano sa larong ito.  

Huling nagharap ang AC Milan at Fiorentina noong Nobyembre kung saan nagtala ng 4-3 panalo ang Viola sa Artemio Franchi Stadium. 

Nakakuha ng 3-0 kalamngan ang mga host matapos ang 60 minuto matapos maka-goal nina Alfred Duncan, Riccardo Saponara at Dusan Vlahovic. Gumanti ng dalawang magkasunod na mga goal si Ibrahimovic pata matapyas ang lamang ng Fiorentina ngunit muling nagbuslo para sa Viola si Vlahovic. Muling umiskor ang Milan sa huling minuto sa pamamagitan ng own goal ni Lorenzo Venuti.