Southampton vs Crystal Palace Tips - Draw asahan muli

Isang beses lang nanalo ang Southampton sa kanilang huling siyam na laro sa lahat ng mga kompetisyon. 

Nagtala sila ng 2-2 draw sa Brighton noong nakaraang round. Nakakuha ang Brighton ng 2-0 lead matapos umiskor ni Danny Welbeck at maka own goal si Mohamed Salisu. Ngunit gumanti ng dalawang goal si James Ward-Prowse para makuha ang tabla para sa Saints, na bigong manalo sa kanilang huling dalawang laro.

Kasalukuyang nasa ika-13 puwesto ang panig ni Ralph Hasenhüttl na may 40 puntos mula sa 34 laro. 

May siyam na goal si Ward-Prowse sa Premier League ngayong season at siya ang mangunguna sa pag-atake ng Southampton. Makakatulong naman niya sina Che Adams at Armando Broja.

May mga iniindang injury sina Alex McCarthy at Nathan Tella at hindi pa sigurado kung maglalaro sila dito.

Kagagaling naman ng Crystal Palace sa isang 0-0 draw kontra Leeds United. Bago ang resultang ito ay natalo  ang panig ni Patrick Vieira sa Leicester City (2-1) at Newcastle United (1-0) sa Premier League at Chelsea (2-0) sa FA Cup. 

Nasa ika-14 puwesto ang Eagles na may 38 puntos mula sa 33 laban.

Si Wilfried Zaha ang nangungunang scorer ng Crystal Palace na may 11 goals ngayong season. Aasahan din ni Viera sina Conor Gallagher at Odsonne Edouard. Wala naman si Nathan Ferguson dahil sa thigh injury. 

Nagresulta sa isang 2-2 draw ang huling sagupaan ng Southampton at Crystal Palace noong Disyembre.

Binigyan ng maagang kalamangan ni Zaha ang Eagles sa Selhurst Park bago gumanti ng mga goal sina Ward-Prowse at Armando Broja para sa Saints bago mag half-time. Tinabla naman ni Jordan Ayew ang laro sa ika-65 minuto.