Arsenal vs Manchester United Tips - Gunners tatalunin ang Red Devils

Tinalo ng Arsenal ang Chelsea 4-2 sa Stamford Bridge noong Miyerkules para putulin ang kanilang three-match losing streak. Dalawang beses umiskor si Eddie Nketiah habang nagdagdag ng tag-iisang goal sina Emile Smith Rowe at Bukayo Saka.

Bago ang panalong iyon ay nakalasap ang Gunners ng mga pagkatalo kontra Crystal Palace (3-0), Brighton (2-1) at Southampton (1-0). Kasalukuyang nasa ikalimang puwesto ang panig ni Mikel Arteta na may 57 puntos mula sa 32 laro.

Kapwa may 10 goal sina Smith Rowe at Saka sa Premier League ngayong season at muli nilang pangungunahan ang pag-atake ng Arsenal.

Tanging si Kieran Tierney ang siguradong hindi makakalaro para sa Arsenal sa larong ito. 

Nakalasap naman ng 4-0 na pagkatalo ang Manchester United sa Liverpool noong Martes. Isang beses lang nanalo ang Red Devils sa kanilang huling limang laro sa lahat ng mga kompetisyon at kasalukuyang nasa ika-anim na puwesto sila na may 54 puntos mula sa 33 laro. 

Inaasahan naman na magbabalik si Cristiano Ronaldo para sa koponan ni Ralf Rangnick matapos niyang lumiban kontra Liverpool matapos mamatayan ng sanggol na anak. May 15 goals ang Portuguese superstar sa Premier League ngayong season at isa siya sa mga nangungunang scorer ng liga.

Nasaktan si Paul Pogba sa kanilang huling laro at makakasama niya sa sidelines sina Fred, Edinson Cavani at Luke Shaw. Hindi naman sigurado kung makakapaglaro si Raphael Varane.

Tinalo ng Man United ang Arsenal 3-2 sa Old Trafford noong Disyembre. Nagtala ng dalawang goal si Ronaldo habang nagdagdag ng isa pa si Bruno Fernandes para pangunahan ang Red Devils. Sina Smith Rowe at Martin Odegaard naman ang nagbuslo para sa Gunners.